Tenderi 30 milionësh për “Riparimin e shiritave magjistralë në drejtim të TC Kosova B” i shpallur nga Korporata Energjetike të Kosovës (KEK), ishte fituar në gusht 2016 nga konzorciumi i kompanive Çeke Boshnjake ELCOM dhe ALTA AS, me çmim prej 19 397 919.03 eurove.
Pas ankesave rreth këtij tenderi, edhe Organi Shqyrtues i Prokurimit, kishte vendosur që të rekomandoi këtë kompani si fituese, duke i dhënë të drejtë KEK-ut. Operatori ankues, pretendon se fituesi i tenderit është falsifikator dhe përmes lidhjeve korruptive e ka fituar tenderin e 30 milionë eurove. Por, edhe pse formalisht kanë kaluar të gjitha betejat ligjore rreth këtij tenderi, ende nuk ka përfunduar nënshkrimi i kontratës.
Kanë kaluar më shumë se katër muaj që prej kur OSHP-ja i ka dhënë të drejtë KEK-ut që ta nënshkruajë kontratën, por një gjë e tillë ende nuk po ndodhë. Me këtë tender, përveç KEK-ut e OSHP-së tash po merret edhe Prokuroria Speciale e Republikës së Kosovës. Se për çfarë bëhet tenderi bëhet fjalë, ndiqeni hulumtimin e detajuar të transmetuar në ndiqeni emisionin “Betimi për Drejtësi”.
Tenderët në KEK janë dëshmuar si problematik saqë ende janë duke u zhvilluar disa procese gjyqësore për shkak të akuzave për korrupsion. Për korrupsion në tenderët e KEK-ut janë akuzuar edhe krerët e Organit Shqyrtues të Prokurimit, të cilët tash po ballafaqohen në gjykatore.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite