Google ADS

Pse ende nuk ka shpallur askush kandidaturë për të parin e VV-së?

12:41 | 18 Dhjetor 2017
Arbresh.info

Këshilli i Përgjithshëm i Lëvizjes Vetëvendosje në mbledhjen që mbajti ditën e djeshme vendosi  pro shpalljes së zgjedhjeve për kryetar të partisë.

Ndonëse ende nuk është vendosur se kur do të mbahen këto zgjedhje, ende askush nuk e ka shpallur kandidaturën për të parin e kësaj partije, shkruana arbresh.info.

Shkodran Hoti, zëdhënës i LVV-së ka thënë për portalin arbresh.info se për afatet dhe mbajtjen e zgjedhjeve vendos KPZ.

“Këshilli i Përgjithshëm vetëm i ka shpallur zgjedhjet. Në lidhje me afatet e mbajtjet së tyre dhe procedurat tjera vendos Komisioni i Pērgjithshëm Zgjedhor (KPZ) i Lëvizjes”, ka theksuar ai.

I pyetur nëse ka shpallur kandidaturën ndokush dhe se a ka të drejt Albin Kurti të kandidojë meqenëse gjendet në burg, Hoti nuk ka thënë asnjë gjë në lidhje me këtë duke lënë të nënkuptohet se ende askush nuk e ka shpallur kandidaturën./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm