Partia Social Demokrate (PSD) ka paralajmëruar protestë nesër (29 Nëntor) kundër ardhjes së kryetares së Gjykatës Speciale në Hagë, Ekaterina Trendafilova.

Protesta do të zhvillohet në ora 14:00 para hotelit Sirius, shkruan Arbresh.info.

“Nesër protestojmë! Edhe sot, më 28 nëntor kur te gjithë po frdtojme, kjo gjykate qe thirret ne emer te popullit, po i vazhdon seancat e gjykimit. Neser po protestojme kunder vizites se kryetares se kesaj gjykate. Nuk duhet ta normalizojme kete pdrejtesi.”, ka shkruar anëtari i kësaj partie, Nol Nushi në Facebook.

Kryetarja e Dhomave të Specializuara të Gjykatës Speciale Ekaterina Trendafilova sot viziton Kosovën.

Lajmin e ka bërë të ditur, Policia e Kosovës e cila thotë se për të mundësuar qarkullim të lirë të eskortës zyrtare, do të ndërprehet përkohësisht qarkullimi i trafikut.

“Më 28 nëntor 2023, në Republikën e Kosovës, do të qëndrojë për vizitë Kryetarja e Dhomave të Specializuara të Gjykatës Speciale Ekaterina Trendafilova.”, njofton policia./Arbresh.info/

LEXO EDHE:

Kryetarja e Dhomave të Specializuara viziton Kosovën, policia njofton për ndërprerje të qarkullimit të trafikut