Protestojnë sërish punonjësit e strukturave paralele në veri

09:31 | 3 Shtator 2024
E.G

Disa punëtorët e komunës paralele në Mitrovicë të Veriut kanë protestuar edhe të martën para dyerve të objektit që tashmë është nën kontroll të autoriteteve të Kosovës.

Është dita e dytë që këta punëtorë kanë tentuar të kthehen në zyra, por nuk janë lejuar nga Policia e Kosovës.

Protestuesit kanë thënë se më nuk do të largohen nga hapësira. Ata kanë theksuar se puna për ta është burim i jetesës dhe se situata është “shumë e vështirë për të mbijetuar”.

Policia e Kosovës, nën dyshimin për lëshim të dokumenteve të falsifikuara, ka mbyllur 5 objekte të komunave paralele në katër komunat veriore.

Të premten nga Policia e Kosovës u mbyllën zyra e Qarkut për Mitrovicë si dhe katër komunat paralele në Mitrovicë të Veriut, Zveçan, Zubin-Potok e Leposaviq, të gjithë në kuadër të sistemit të Serbisë./rtk/

Shpërndaje në rrjete sociale

Lajmet më të lexuara

Të ngjashme

Foto lajm