Protestojnë punëtorët e sigurimit, kërkojnë kthimin në KEK

11:14 | 28 Gusht 2023
E.H

Punëtorët e sigurimit fizik në KEK protestuan në sheshin “Zahir Pajaziti” në Prishtinë, për të vazhduar më tej përpara zyrave të KEK-ut dhe objektit të Qeverisë së Kosovës.

Protestuesit në duar mbanin pankarta me mbishkrimet “Qeveri më parë kur ishit në opozitë na thatë se kemi të drejte, po sot!”, “Tenderi pasuron vetëm një pronar, ndërsa ne jemi një shoqëri e cila i takon KEK-ut”.

Protestuesit kërkuan kthimin e tyre në kuadër të KEK-ut. Të njëjtit kanë kërkuar nga zyrtarë të KEK-ut që të dalin e të flasin me ta. Protestuesitkanë gjuajtur me vezë zyret e KEK-ut.

Ndërkaq, me të njëjtën kërkesë këta punëtorë kanë protestuar disa herë para KEK-ut e objektit të qeverisë./rtk

Shpërndaje në rrjete sociale

Lajmet më të lexuara

Të ngjashme

Foto lajm