Google ADS

Protestë e ‘Jelekëve të Verdhë’ në Nju Jork

16:39 | 23 Dhjetor 2018
Arbresh.info

Një grup njerëzish që mbanin të veshur jelekë të verdhë, u tubuan para konsullatës së Përgjithshme të Francës në New York, për të mbështetur protestat në Paris.

Protestuesit mbanin pankarta në të cilat kishin shkruar në anglisht dhe frëngjisht mesazhe mbështetëse dhe solidarizuese me të gjithë punëtorët. Ata thanë se po mbështesin protestat në Paris që po zgjasin për pesë javë.

Protestat në Francë filluan më 17 nëntor, dhe u organizuan në shenjë pakënaqësie për rritjen e paralajmëruar të çmimit të karburantit dhe përkeqësimit të kushteve ekonomike, por u kthyen në demonstrata të “Jelekëve të Verdhë”, kundër administrimit të presidentit francez, Emmanuel Macron.

Demonstruesit kërkojnë kushte më të mira jetese ndërkohë që protestat e “Jelekëve të Verdhë” do të vazhdojnë pavarësisht njoftimeve se çmimet e karburantit janë anuluar për vitin 2019.

Në trazirat në Francë, deri më tani kanë humbur jetën 10 persona, ndërsa 4,341 të tjerë janë arrestuar.

Shpërndaje në rrjete sociale

Lajmet më të lexuara

Të ngjashme

Foto lajm