Google ADS

Protesta në Serbi, thirrje nacionaliste kundër Kosovës – përmendet edhe ndeshja me Malin e Zi

22:31 | 8 Qershor 2019
Arbresh.info

Për të 27-ën të shtunë me rradhazi kanë vazhduar protestat kundër presidentit serb, Aleksander Vuçiq në Beograd.

“Një në pesë milion”, ka mbledhur sot mijëra tubues para objektit të Radio Televizionit të Serbisë, të cilët më pas kanë vazhduar për në sheshet kryesore të kryeqytetit serb, shkruan lajmi.net.

Pjesëmarrës në këtë protestë ishin njerëz të profileve të ndryshme, përfshirë gazetarë e artistë.

Mirëpo kjo nuk i ndali ata që të bëjnë thirrje nacionaliste ndaj Kosovës.

Marija Janjusheviq, organizatore e protestës, shpalosi një transkript në të cilin shkruhej “Kosova është Serbi”.

Madje ajo i falënderoi lojtarët serbë të Malit të Zi si dhe trajnerin që nuk pranuan të luajnë mbrëmë kundër Kosovës.

Kosova u përmend edhe në protestën e javës së kaluar në Beograd.

Aty protestuesit e kishin akuzuar Vuçiqin se në bashkëpunim me Prishtinën e kishte organizuar aksionin e Policisë në Veri.

 

Shpërndaje në rrjete sociale

Lajmet më të lexuara

Të ngjashme

Foto lajm