Protesta në Pasjan në kundërshtim të pesë serbëve të arrestuar për krime lufte në Kosovë

14:15 | 5 Gusht 2024
E.H

Disa qytetarë serb janë mbledhur për të protestuar në Pasjan në shenjë kundërshtimi për pesë serbët e arrestuar në Kosovë.

Disa serbë u mblodhën në protestën paqësore, duke mbajtur pankarta “Po na arrestojnë për të dëbuar të gjithë serbët”, “Kërkojmë që KFOR-i të na mbrojë”, “Evropë, pse heshtni për vuajtjet e serbëve?”, raporton kosovoonline.

Të pranishëm kanë qenë edhe familjarët e serbëve të arrestuar të cilët do t’i drejtohen turmës.

Ndryshe me 3 gusht, Policia e Kosovës ka arrestuar pesë persona të komunitetit serb, të dyshuar për veprën penale “Krime lufte”.

Prokuroria Speciale ka njoftuar se pesë personat në prill të vitit 1999 në disa fshatra vranë, plagosën, dogjën, rrëmbyen, dhunuar, maltretuan e torturuan civilët shqiptarë, transmeton Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm