Prokuroria Speciale pritet të caktojë masën e paraburgimit ndaj tre personave për rastin e gazetarit Syla

10:38 | 13 Prill 2023
E.H

Prokuroria Speciale e Kosovës sot pritet të bëjë një kërkesë për caktimin e masës së paraburgimit ndaj tre personave të ndaluar për rastin e sulmit fizik ndaj gazetarit, Valon Syla.

Lajmin për portalin Arbresh.info e ka konfirmuar zëdhënësi i Prokurorisë Speciale të Kosovës, Ekrem Lutfiu.

“Ju njoftoj se Prokuroria Speciale e Republikës së Kosovës (PSRK), gjatë ditës do të bëjë kërkesë për caktimin e masës së paraburgimit ndaj tre (3) personave të ndaluar për veprën penale ‘Nxitja e përçarjes dhe urrejtjes’, nga neni 141 paragrafi 3 lidhur me paragrafin 1 dhe 31 të KPRK-së”, ka thënë Lutfiu, përcjell Arbresh.info.

Ndryshe, Prokuroria Speciale të mërkurën njoftoi se pas një angazhimi intensiv të hetuesve të Policisë së Kosovës, përkatësisht Drejtorisë Kundër Terrorizmit, është arritur që të identifikohen tre të dyshuar me inicialet L.D, K.H dhe O.H. si dhe të njëjtit dyshohen se kanë kryer veprën penale ‘’Nxitje e përçarjes dhe mos durimit’’./Arbresh.info/

Lexo edhe:

Arrestohen tre të dyshuarit për sulmin ndaj Valon Sylës

Shpërndaje në rrjete sociale

Lajmet më të lexuara

Të ngjashme

Foto lajm