Prokuroria Speciale e Kosovës paraqet kërkesë për paraburgim ndaj dy të dyshuarve për spiunazh

14:29 | 6 Qershor 2024
E.H

Prokuroria Speciale e Republikës së Kosovës njofton opinionin publik se kundër të pandehurve B.Sh. dhe M.Q. sot i ka paraqitur kërkesë për caktimin e paraburgimit, Gjyqtarit të Procedurës Paraprake, në Departamentin Special të Gjykatës Themelore në Prishtinë.

“Kërkesën për caktimin e paraburgimit kjo prokurori e ka paraqitur, pasiqë ekziston dyshimi i bazuar se të njëjtit kanë kryer veprën penale: Spiunazhi nga neni 124 par. 3 të KPRK-së, ndërkaq i pandehuri M.Q. ka kryer edhe veprën tjetër penale: Mbajtja në pronësi, kontrollë ose posedim të paautorizuar të armëve nga neni 366 par 1 të KPRK-së, si dhe ekziston dyshimi se të pandehurit kishin për t’i kryer veprat penale për të cilat dyshohen”, thuhet në njoftim.

Kujtojmë se të mërkurë, Bedri Shabani dhe Muharrem Qerimi janë arrestuar pasi që dyshohet se kanë spiunuar për BIA-n serbe./Arbresh.info

Lexo edhe:

A është Kosova e rrezikuar nga spiunazhi?

Shpërndaje në rrjete sociale

Lajmet më të lexuara

Të ngjashme

Foto lajm