Prokuroria Themelore në Prishtinë po vazhdon me intesitet të lartë të zhvillojë hetimet lidhur me rastin e vrasjes së Behram Ibishit, 54 vjeç, mëngjesin e së dielës në rrugën “Nënë Tereza” në Fushë Kosovë.
Zëvendës Kryeprokurori i Themelores, Ibrahim Berisha ka thënë për Indeksonline se vrasësi ende nuk është identifikuar. Sipas tij, po punohet në këtë drejtim.
“Sa i përket rastit për vrasjen në Fushë Kosovë, shumë shpejt pritet të ketë rezultate”, ka thënë prokurori i shtetit Berisha.
Më tej, numri dy i Themelores ka shtuar se për këtë rast ka shumë vështirësi, pasi siç thotë ai, ka ndodhë në rrethana të paqarta.
Ndërkaq, dihet se në vendin e ngjarjes ku ka ndodhë vrasja, nuk ka askund kamera. Në vend të ngjarjes është gjetur edhe një gëzhojë e armës me të cilën dyshohet se është vrarë Ibishi.
Ndryshe, i ndjeri që nga paslufta ka punuar si roje në kompaninë private “Lesna”. Ndërsa, familjarët e tij thonë se dyshimet i hedhin te disa persona që si plan e kishin të kryenin vjedhjen.
Kujtojmë, se 54 vjeçari pas vetës ka lënë bashkëshorten dhe 5 fëmijë, 4 vajza dhe një djalë.
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban