Prokuroria Themelore në Gjilan, ka kërkuar nga Gjykata Themelore në Gjilan caktimin e masës së paraburgimit në afat prej 30 ditësh ndaj të pandehurit T.S., për shkak të dyshimit të bazuar se ka kryer veprën penale “Keqpërdorimi i pozitës apo autoritetit zyrtar” dhe të pandehurit A.R., për veprën penale “Falsifikimi i dokumenteve”.
Kjo u bë e ditur përmes një komunikate për medie nga Prokuroria Themelore në Gjilan, raporton “Betimi për Drejtësi”.
Sipas kërkesës së prokurorisë, ekziston dyshimi i bazuar se gjatë muajit prill dhe maj 2020, në Komunën e Novobërdës, i pandehuri T.S., në pozitën e drejtorit të Shëndetësisë në këtë komunë, ka keqpërdorur detyrën apo autoritetin zyrtar, në atë mënyrë që me qëllim të përfitimit material, me dashje ka përpiluar raporte me përmbajtje të pa saktë të pranimit të mallrave – barnave, kinse nga kompania “AWA sh.p.k”, me seli në Prishtinë, të cilat raporte pastaj i ka dorëzuar në Drejtorinë e Financave komunale në Novobërdë dhe pagesa iu është bërë kësaj kompanie.
Ndërsa, thuhet se Qendrat e Mjekësisë Familjare në komunën e Novobërdës nuk janë furnizuar me barna sipas raporteve të përpiluara nga i njëjti.
Tutje, sipas prokurorisë, i pandehuri A.R., dyshohet se ka falsifikuar dokumente, ashtu që si pronar i kompanisë së lartcekur, ka përpiluar fatura me përmbajtje të pasaktë, kinse për furnizim me barna në QKMF-të në Komunën e Novobërdës.
Ndryshe, Prokuroria Themelore në Gjilan, të premten ka njoftuar se dy të dyshuarit T.S dhe A.R, janë ndaluar për 48 orë./arbresh.info/
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...