Profesoresha Hatixhe Latifi-Pupovci, që është edhe gruaja e zv.ministrit Dukagjin Pupovci, ka folur për sulmin e sotëm ndaj saj në objektin e Fakultetit të Mjekësisë.

Ajo përmes një postimi në Facebook,  tregon se u sulmua nga gjinekologu Arsim Gashi, meqë ia kishte rrëzuar djalin nga provimi, shkruan arbresh.info.

Latifi-Pupovci ka thënë se është keqardhje që ky prind, edhe vet mjek, nuk e kupton se sa me rëndësi është mbajtja e kriterit në një lëndë kyçe për formimin e çdo mjeku të ardhshëm.

“Po më vjen shumë keq për shqetësimin që ka mund të ju sjell lajmi që veç qenka nëpër portale rreth sulmit që më ka ndodhur. Ka qenë një sulm krejtësisht i pa pritur dhe i pa provokuar, i shkaktuar nga motive të pa kuptueshme për mua. Studenti i pakënaqur me notën e provimit ka mënyra të tjera akademike për të kërkuar drejtësinë, ndërsa ndërhyrja e prindit është krejtësisht e pa pranueshme. Është për keqardhje që ky prind, edhe vet mjek, nuk e kupton se sa me rëndësi është mbajtja e kriterit në një lëndë kyçe për formimin e çdo mjeku të ardhshëm. Por, zgjedh dhunën si rrugë për arritjen e qëllimit të vet. Si duket specialisti i gjinekologjisë, dr. Arsim Gashi, nuk e ka herën e parë që përmes dhunës tenton t’i zgjidh problemet. Prandaj pres që ta merr dënimin e merituar”, ka shkruar ajo.

Ndryshe, sot rreth orës 14:30 në Fakultetin e Mjekësisë, ka ndodhur një rrahje, ku një prind i një studenti dyshohet se ka rrahur profesoreshën e këtij fakulteti, Hatixhe Latifi Pupovci.

Ngjarja është raportuar edhe në Polici nga sigurimi i Fakultetit të Mjekësisë, të cilët kanë kontaktuar me viktimën, kanë siguruar provat materiale dhe kanë marrë deklaratat e dëshmitarëve okularë./arbresh.info/

LEXO EDHE

Sulmohet fizikisht gruaja e Dukagjin Pupovcit, policia jep detaje – Arbresh.info

Shoqërohet në polici i dyshuari që sulmoi profesoreshën e Mjekësisë – Arbresh.info