“Privatizimi i çerdheve”, AVONET nesër performancë në Sallën e Kuvendit Komunal të Ferizajt

22:46 | 26 Shtator 2024
E.G

AVONET së bashku me përfaqësuesit e punojësve të Çerdhes Engjujt dhe përfaqësuesit e prindërve nesër do të organizojë  performancë në Sallën e Kuvendit Komunal të Ferizajt.

Sipas njoftimit, kjo performancë do të organizohet me qëllim të kundërshtimit të propozimit të Drejtorisë Komunale të Arsimit, në Komunën e Ferizajt për “privatizimit” e çerdhes Engjujt, shkruan Arbresh.info.

“Ky kontrabandim që po tentohet të bëhet nga ekzekutivi i Komunës së Ferizajt është në kundërshtim të plotë me normat juridike në fuqi & aplikueshme në Republikën e Kosovës, për faktin se për një çështje të rëndësisë së madhe siç është edukimi i hershëm, asnjë palë e interesit nuk është konsultuar. Pra, as nuk janë konsultuar prindërit, as punëojsit e kësaj çerdhe, e as palët e tjera të jashtëme.”, thuhet në njoftimin.

AVONET bën të ditur se kjo performancë do mbahet sallën e Kuvendit Komunal të Ferizajt, me datë 27.09.2024 (e premte), me fillim nga ora 09:45./Arbresh.info/

AVONET kundër privatizimit të çerdheve në Ferizaj

 

Shpërndaje në rrjete sociale

Lajmet më të lexuara

Të ngjashme

Foto lajm