Thirrja e fundit e Qeverisë së Kosovës për t’i pritur xhudistët kosovare të cilat morën medalje në lojërat Oplimike në Japoni, tash kur numri i rasteve është rritur sipas infektologëve mund të sjell infektime por jo sa ato në ambiente të mbyllura.

“Me një organizim minimal, është e mundur që në sheshin kryesor të organizohet pritja ndërsa rreziku nga infeksioni të mbahet në nivelin minimal”, tha Infektologu Ilir Tolaj.

Rrezik kryesorë për përhapjen e varianti Delta po shihet të jenë eventet e ndryshme të organizuara në ambiente të mbyllura siç janë dasmat dhe klubet e natës, shkruan arbresh.info.

Infektologu Ilir Tolaj për arbresh.info tha se grumbullimi në ambiente të hapura nuk parasheh përhapje të virusit delta.

“Grumbullimi në ambientin e hapur është shumë më pak i rrezikshëm në përhapjen e virusit shkaktar të Covid 19, duke e përfshirë këtu edhe variantin delta, edhe pse varianti delta shqyhet me përhapje me të lehtë mes individëve që nuk e kanë kaluar infeksionin natyror ose nuk janë vaksinuar. Shumë  më të rrezikshme në përhapjen e variantit Delta janë eventet e ndryshme  në ambiente të mbyllura dhe  gjysmë të hapura, ku qëndrojnë me qindra e mijëra njerëz, me orë të tëra, siç janë klubet e natës”, tha Tolaj.

Ndërkaq personat të cilët janë vaksinuar ndaj Covid-19, janë të mbrojtur ndaj infeksionit Delta, sipas Tolaj.

“Personat e vaksinuar me cilëndo vaksine anticovid dhe ata që e kanë kaluar në mënyrë të natyrshme infeksionin me Covid 19, janë të mbrojtur nga infeksioni me variantin Delta të SARS CoV2. Ndonjë rast i rrallë që është përjashtim, do të ketë infeksion klinikisht të papërfillshëm dhe të parëndësishëm”, tha Tolaj.

Ndryshe Qeveria iu ka bërë thirrje qytetarëve të mblidhen në sheshin kryesor në Prishtinë për ta pritur ekipin olimpik të xhudos, pas triumfit të tij historik në Lojërat Olimpike Tokio 2020.

Xhudistët pritet të kthehen nga Japonia në Kosovë sonte rreth orës 20:00, pasi i fituan dy medalje të arta olimpike në Tokio 2020./S.D/arbresh.info/

​Ekipi olimpik pritet sot me ceremoni shtetërore