Google ADS

Prishtinë, një vit burgim për sulm seksual

15:07 | 10 Tetor 2019
L G

Gjykata Themelore në Prishtinë – Departamenti i Përgjithshëm, Divizioni për Çështje Penale ka shpallur Aktgjykimin kundër të akuzuarit V.K për veprën penale Sulm seksual nga neni 229 par.2, pika 2.3 të KPRK-së.

Sipas njoftimit të gjykatës, i akuzuari është dënuar me 1 vit burgim, duke iu llogaritur koha e kaluar në paraburgim.

“I akuzuari është shpallur fajtor dhe është dënuar me burgim në kohëzgjatje prej një (1) viti, në dënimin e shqiptuar i është llogaritur edhe koha e kaluar në paraburgim nga data 02.08.2019 deri me 10.10.2019.Të akuzuarit V.K me aktvendim të veçantë i është ndërprerë paraburgimi deri në plotfuqishmërinë e këtij aktgjykimi”, thuhet në njoftimin e gjykatës.

Pala e dëmtuar udhëzohet në kontest civil për realizimin e kërkesës pasurore – juridike.

Kundër këtij vendimi pala ka të drejtë ankese në Gjykatën e Apelit të Kosovës./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm