Mbeturinat e shpërndara në rrugët e kryeqytetit po dalin të jenë ende një problem i pazgjidhur, të cilat jo vetëm që nuk janë në vendin e duhur por edhe kafshët e uritura të cilat qëndrojnë ato pranë për të gjetur ushqim dhe shqetësojnë qytetarët.
Kjo dukuri vazhdon të shqetësojë prishtinasit tash e sa vjet. Përveç pamjes së shëmtuar, është edhe aroma e rëndë që kundërmon deri në disa metra larg kontejnerëve.
Arbresh.info ka kontaktuar me drejtorinë për shërbime publike në Komunën e Prishtinës, të cilët thanë se komuna ndanë 10 zona të caktuara të cilat duhen të pastrohen.
Zëdhënësja komunale e Prishtinës, Arlinda Kastrati për Arbresh.info tha se mbeturinat në rrugë janë si pasojë e problemeve me makineri.
“Mbeturinat në rrugë janë si pasojë e problemeve me makineri që kompania për grumbullim të mbeturinave (KRM Pastrimi) ka aktualisht. Për të minimizuar këto probleme, Komuna e Prishtinës ka kontraktuar edhe një kompani private për t’i dalë në ndihmë KRM Pastrimit”, ka thënë Kastrati.
Lidhur për këtë çështje, deputeti i Lëvizjes Vetëvendosje, Mefail Bjaqinovci thekson se komuna nuk ka nevojë për më shumë kompani pastrimi, por ka nevojë për një menaxhim më të mirë të kompanisë publike “Pastrimi”.
“Kompania publike e pastrimit në komunën e Prishtinës ka dështuar në mbledhjen e mbeturinave për shkak të keq menaxhimit. Punëtorët e kësaj kompanie punojnë në kushte të mjerueshme”, tha Bjaqinovci.
Sipas tij, Komuna e Prishtinës nuk po e bën siç duhet punën e vetë dhe si pasojë e kësaj kryeqyteti është i mbuluar me mbeturina.
Bajqinovci pohon se po bëhen tre vjet që bërlloku, papastërtia e ka mbuluar Prishtinën.
Abresh.info ka siguruar fotografi nga disa lagje të Prishtinës, të cilat dëshmojnë gjendjen e rëndë dhe mbulimin e kontejnerëve nga mbeturinat si dhe jashtë tyre. /Arbresh.info/Albiona Bashota/
Sylvinho i kërkoi falje Agim Zekës në sytë e krejt skuadrës
Mikel Arteta i etur për suksese, vazhdon kontratën me Arsena...
Policia e Kosovës me bastisje në bankën paralele të Serbisë ...
Publikohet traileri i “I Am Georgina 3′!, jeta e re me famil...
Tahir Batatina me një gjest human për të gjitha klubet kosov...
Lufta në Gazë, dhjetëra palestinezë të vrarë nga sulmet izra...