Prezantohen planet për përmbushjen e Objektivave të Zhvillimit të Qëndrueshëm

07:22 | 1 Korrik 2019
Arbresh.info

Instituti për Politika Zhvillimore (INDEP), mbështetur nga Deutsche Gesellschaft für Internationale Zusammenarbeit GmbH – GIZ përmes grantit të financuar nga Qeveria e Republikës Federale të Gjermanisë, organizon konferencën ‘Lokalizimi i Agjendës 2030 – Sfidat dhe mundësitë për përmbushjen e 17 Objektivave të Zhvillimit të Qëndrueshëm’.

Gjatë kësaj konference do të paraqiten 7 plane lokale për OZHQ të përgatitura për 7 komunat përfituese, përkatësisht komunën e Prishtinës, Prizrenit, Drenasit, Podujevës, Novobërdës, Deçanit dhe Vushtrrisë.

Këto dokumente do të shërbejnë si mjet udhëzues për këto komuna si dhe komunat tjera që të angazhohen për planifikimin e zhvillimin e politikave në përputhje me Agjendën 2030.

Ky forum do të shërbejë gjithashtu si një mundësi e mirë për të mësuar nga praktikat më të mira ndërkombëtare në aspektin e rolit që kanë qeveritë lokale drejt përmbushjes së 17 OZHQ-ve./Arbres.info/

 

Shpërndaje në rrjete sociale

Lajmet më të lexuara

Të ngjashme

Foto lajm