Presidentja e Kosovës, Vjosa Osmani po vazhdon turin e vizitave nëpër komunat e vendit. Sot, Osmani ka njoftuar se është rrugës për në Komunën e Pejës.

Përmes një video live në Facebook, Osmani ka thënë në Pejë do të ketë një agjendë shumë të ngjeshur.

Takimi i saj i parë do të jetë me Kryetarin e Komunës, Gazmend Muhaxherin.

“Jemi rrugës për në Pejë. Kemi filluar një cikël të vizitave nëpër komuna, ku flasim jo vetëm me kryetarët e komunave, por edhe me qytetarët dhe përfaqësuesit e organizatave jo qeveritare, në vecanti ato që përfshijnë të drejtat e grave dhe të fëmijëve. Në Pejë do ta kemi një agjendë shumë të ngjeshur, duke filluar nga takimi me kryetarin e komunës, Gazmend Muhaxherin…”, ka thënë Osmani.

Agjenda e Osmanit për sot, sipas njoftimit të Presidencës.

Në orën 10:30, Presidentja Osmani do të pritet në takim nga kryetari i komunës së Pejës, Gazmend Muhaxheri.

Vendi: Zyra e kryetarit të komunës;

Në orën 12:50, Presidentja Osmani për nder të Ditës së Fëmijëve, do ta vizitojë Ekspozitën e përgatitur nga fëmijët me nevoja të veçanta.

Vendi: Sheshi i Pejës, Qendra e qytetit;

Në orën 13:20, Presidentja Osmani do të ketë vizitë në MAT (Training Center for development of Mine Action Professionals).

Vendi: Rruga “Zhuj Selmani”, Nr. 93, Pejë (afër birrarisë Peja)

Në orën 14:00, Presidentja Osmani do ta mbjellë drurin e parë “Manuka” në Kosovë.

Vendi: Rruga 12 qershori 1999 , “Maja e zezë” në Pejë;

Në orën 16:45, Presidentja Osmani do të ketë takim me OJQ-të nga komunitetet joshumicë.

Vendi: Qendra Rinore në Vitomiricë;