Google ADS

Presidentja Osmani përsëri në Turqi, do të qëndrojë tre ditë

08:09 | 11 Mars 2022
arbresh.info

Presidentja e Republikës së Kosovës, Vjosa Osmani dhe zëvendëskryeministrja, njëherësh Ministre e Punëve të Jashtme dhe Diasporës, Donika Gërvalla- Schwarz do të marrin pjesë në Forumin Diplomatik në Antali të Turqisë.

Në kuadër të këtij Forumi, Presidentja Osmani dhe ministrja Gërvalla- Schwarz do të takohen me homologë nga disa vende të botës, pjesëmarrëse në këtë Forum.

Ato do të marrin pjesë në disa panele të këtij Forumi.

Forumi Diplomatik i Antalisë është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë, opinionbërës dhe akademikë. Tema e këtij viti e Forumit të Diplomacisë së Antalisë është “Rikodimi i diplomacisë”.

Ky Forum do t`i zhvillojë punimet prej 11 deri më 13 mars dhe do të marrin pjesë përfaqësues nga rreth 70 shtete./arbresh.info/

Osmani pritet me ceremoni shtetërore nga presidenti i Turqisë

Shpërndaje në rrjete sociale

Lajmet më të lexuara

Të ngjashme

Foto lajm