Presidentja e Kosovës, Vjosa Osmani ka ftuar subjektet politike për një takim konsultativ më 14 nëntor për caktimin e datës së zgjedhjeve të jashtëzakonshme për kryetarë të komunave të veriut të vendit.
Kështu bëhet e ditur në njoftimin për media të Presidencës.
“Presidentja e Republikës së Kosovës, Vjosa Osmani, duke pasur parasysh afatet ligjore të përcaktuara me legjislacionin në fuqi, sot u ka dërguar ftesa subjekteve politike për konsultim për caktimin e datës së zgjedhjeve të jashtëzakonshme për kryetarë komunave: Mitrovicë e Veriut, Zveçan, Leposaviq dhe Zubin Potok. Takimi konsultativ me subjektet politike do të mbahet më 14 nëntor”, thuhet në njoftim.
Kjo ftesë është dërguar pasi që kryetarët e komunave të Mitrovicës së Veriut, Zveçanit, Leposaviqit dhe Zubin Potokut kanë dhënë dorëheqje nga pozitat e tyre.
Këto dorëheqje janë dorëzuar në Ministrinë e Administrimit të Pushtetit Lokal (MAPL), për të cilat është njoftuar edhe Zyra e Presidentes së Republikës së Kosovës.
Pas konsultimit me partitë politike, Presidentja Osmani pritet ta shpallë datën e zgjedhjeve të jashtëzakonshme për kryetarë të këtyre katër komunave brenda afateve ligjore. /arbresh.info/
Sekuestrohen tri armë zjarri në Llapashticë të Poshtme të Po...
Krerët e shtetit bëjnë homazhe tek varri i heroit Afrim Bunj...
Abdixhiku kujton Afrim Bunjakun: Personalitet që dha frymën ...
Luis Enrique për Mbappen: Është turp që një futbollist si ai...
Scholz: Gjermania nuk do t’i japë leje Ukrainës për armët me...
Flet vëllai i Afrim Bunjakut: Ishte vit i vështirë, por jemi...