Presidentja Osmani kujton Haki Imerin si aktivist dhe patriot të madh

17:42 | 2 Nëntor 2023
E.H

Presidentja e Kosovës, Vjosa Osmani, e ka kujtuar Haki Imerin në 24-vjetorin e vrasjes së tij.

Presidenca bënë të ditur se në këtë 24-vjetor, Osmani kujton një aktivist e një patriot të madh, i cili është dëshmi e përkushtimit të palëkundur të lëvizjes për pavarësi.

“Përballë rrezikut e sfidave, Hakiu nuk u zmbraps asnjëherë, por punën e tij prej pedagogu e gërshetoi me aktivitetin patriotik. Hovi i tij u ndal pabesisht kur shkaku i bindjeve politike dhe aktivitetit politik në shërbim të atdheut e të kombit, u vra më 2 nëntor të vitit 1999”, ka potencuar ajo.

“Le ta nderojmë kujtimin për Hakiun, teksa përkushtimi ndaj idealit të lirisë, qoftë frymëzim i përhershëm për brezat!”, ka shkruar ajo në fund./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm