Presidenti tregon se kur do të hiqen vizat për Kosovën

22:03 | 20 Tetor 2018
M. A.

Presidenti i vendit , Hashim Thaçi gjatë një interviste në një emision televiziv ka deklaruar se vizat për Kosovën do të hiqen në momentin kur subjektet politike i lënë anash inatet dhe fillojnë të flasin mirë për Kosovën, në takime me zyrtarë të Bashkimit Evropian.

Sipas tij tregimi i sondazheve të bëra me të rinj kosovarë që synojnë shkuarjen në vendit e Bashkimit Evropian, i tmerrojnë zyrtarët e këtij institucioni.

“Vizat hiqen për Kosovën kur na flasim mirë për vendin tonë në takime të mbyllura me zyrtarë të Bashkimit Evropian e jo të u themi që sipas sondazheve qytetarët 80% thonë që kur të hiqen vizat do të shkojmë në Bashkimin Evropian. Kjo i tmerron ata. Kur të lihen inatet politike e të flitet mirë për vendin edhe hiqen vizat. Kriteret janë plotësuar”, ka deklaruar Thaçi në Oksigjen.

Po ashtu presidenti u pyet qysh në fillim për themelimin e Ushtrisë.

Presidenti se me shaka tha se e kanë zvarritur këtë proces, meqë është dashur të ndodh qysh moti.

‘’Mirë që po bëhet tash ma mirë se hiq, po qeshtu jemi na. Në vend se me ba në vitin 2014, kur na tha NATO e aleatët, na kadal kadal’’, tha Thaçi.

Ai u pyet për emër dhe si me shaka tha se krerët e Kosovës kanë emra jo të lezetshëm dhe të pranueshëm.

‘’ Na si liderë kemi ardhë qeshtu, dikush Hashim, dikush Behgjet, dikush Ramush. Boll liderë e burra t’mirë jemi, por me këta emra vështirë që na pranon NATO e Bashkimi Evropian’’, tha presidenti duke qeshur.

Thaçi është përballë edhe me pyetjen se ‘Kush është më e mirë, Baronesha Ashton apo Mogherini.

Presidenti u përgjigj kështu: ‘të dyja janë të mira’.

 

Shpërndaje në rrjete sociale

Lajmet më të lexuara

Të ngjashme

Foto lajm