Presidenti flet edhe me Merkelin rreth marrëveshjes me Serbinë

17:34 | 11 Nëntor 2018
arbresh.info

Presidenti, Hashim Thaçi, ka takuar kancelaren gjermane, Angela Merkel, gjatë qëndrimit në Paris.

Në këtë takim, Thaçi thotë të kenë folur për negociatat me Serbinë të ndërmjetësuara nga Bashkim Evropian.

“Unë gjithashtu kisha një bisedë të shkurtër me kancelaren gjermane Angela Merkel në #Paris. Ne diskutuam për mundësinë për të arritur një marrëveshje gjithëpërfshirëse paqësore për Kosovën dhe Serbinë. Ne të dy u pajtuam se mbështetja e Gjermanisë është vendimtare për këtë marrëveshje dhe anëtarësimin tonë në BE,” ka shkruar presidenti Thaçi në Twitter.

Mbështetje për një marrëveshje të tillë, gjatë qëndrimit në Paris, Thaçi thotë ta ketë marrë edhe nga presidenti i Shteteve të Bashkuara të Amerikës, Donald Trump./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm