Presidenca e Kosovës: Shtyhet vizita e Cholletit në Ballkan

13:45 | 30 Korrik 2023
E.H

Këshilltari i lartë i Departamentit amerikan të Shtetit, Derek Chollet, e ka shtyrë vizitën me një delegacion amerikan në Ballkan.

Lajmin për Arbresh.info e ka konfirmuar këshilltari për media i Presidencës, Besim Kupina.

Kupina ka thënë se vizita e paraparë për 30 korrik me liderë shtetërorë të Kosovës, është shtyrë për shkaqe objektive.

“Nuk ka anulim të vizitës, por jemi informuar se ka shtyrje të datës për gjithë turin ballkanik (pra Kosovë, Bosnje e Hercegovinë dhe Serbi) për shkaqe objektive të njërit nga anëtarët e delegacionit”, ka thënë Kupina.

Kujtojmë se për herë të fundit Chollet e ka vizituar Kosovën, dhe disa vende të Ballkanit, në janar të këtij viti./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm