Google ADS

Posta e Kosovës lanson pullat `Vendbanimet – Janjeva`

11:59 | 9 Janar 2025
E.G

Posta e Kosovës, përmes Filatelisë së saj, sot ka lansuar emisionin më të ri të pullave postare me temën “Vendbanimet – Janjeva”.

Ky emision i veçantë përfshin dy pulla unike që reflektojnë historinë, kulturën dhe bukurinë e qytezës së Janjevës, një prej vendbanimeve më të vjetra dhe më të veçanta të Kosovës.

Posta e Kosovës njofton se në këto pulla janë përjetësuar detaje ikonike që e karakterizojnë Janjevën, si rrugicat e ngushta dhe monumentet shekullore që mbajnë gjallë historinë e pasur të këtij vendi. Ato përçojnë frymën e traditave që ende mbizotërojnë dhe e bëjnë Janjevën një simbol të lidhjes mes së kaluarës dhe së tashmes.

“E vendosur në një luginë rrëzë maleve të Zhegocit, Janjeva shtrihet në territorin e komunës së Lipjanit, rreth 12 kilometra në juglindje të Prishtinës. Ky vend magjepsës tashmë mund të udhëtojë me çdo dërgesë postare, duke ndarë kujtimet dhe kulturën e tij të pasur me botën”, njofton Posta.

Shpërndaje në rrjete sociale

Lajmet më të lexuara

Të ngjashme

Foto lajm