Google ADS

Policia shqiptoi mbi 1300 gjoba në rajonin e Ferizajt brenda një jave

09:09 | 7 Tetor 2024
E.H

Policia Rajonale e Ferizajt në kuadër të aktiviteteve për parandalimin e aksidenteve gjatë javës që kaloi, nga data 30 shtator deri me 06 tetor 2024, ka shqiptuar 1 mijë e 341 gjoba si dhe ka hequr gjashtë patentë shofer.

Sipas njoftimit, gjatë një jave janë raportuar 24 aksidente, përcjell Arbresh.info

11 aksidente janë me lëndime, 11 persona të lënduar dhe 13 aksidente me dëme materiale.

“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor. Ndërsa, ftojmë qytetarët që të bashkëpunojnë më policinë. Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406. Të dhënat e juaja do të ruhen në konfidencialitet të plotë”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm