Google ADS

Policia serbe kontrollon rreptë artistët dhe gazetarët kosovarë në kufi

09:31 | 29 Maj 2019
Arbresh.info

Gazetarët dhe artistët kosovarë që do të marrin pjesë në festivalin “Mirëdita, Dobar Dan”, janë ndaluar dhe po kontrollohen rreptësisht nga policia serbe në kufi.

Gjatë ditës së sotme një numër i madh i artistëve dhe gazetarëve nga Kosova janë nisur për të marrë pjesë në këtë festival synimi i të cilit është të bashkojnë komunitetet shoqërore e kulturore të Kosovës dhe Serbisë dhe të krijohet një traditë bashkëpunimi, që do të kontribuojë në arritjen e një normalizim të qëndrueshëm të marrëdhënieve mes Kosovës dhe Serbisë.

Megjithatë ata kanë hasur në kontroll të rreptë në pikën kufitare në Merdare.

Ky festival organizohet nga Integra (Kosovë), Nisma e të Rinjve për të Drejtat e Njeriut (Serbi), dhe Iniciativa Qytetare (Serbi), me mbështetjen e Fondacionit Kosovar për Shoqëri të Hapur (KFOS), Fondacioni për Shoqëri të Hapur në Serbi, Rockefeller Brothers Fund (RBF), Ministria e Kulturës, Rinisë dhe Sportit e Republikës së Kosovës.

Shpërndaje në rrjete sociale

Lajmet më të lexuara

Të ngjashme

Foto lajm