Policia publikon listën se kur kandidatët do t’i nënshtrohen testit psikologjik dhe kontrollimit mjekësorë

12:22 | 9 Gusht 2024
E.K

Policia e Kosovës ka publikuar sot listën e kandidatëve që do të nënshtrohen testit psikologjik dhe kontrollimit mjekësor për pozitat e zyrtarëve policorë.

Në njoftimin e Policisë, kandidatët janë të ftuar të paraqiten në kohë në vendin e përcaktuar për mbajtjen e testit. Faza e testimit psikologjik dhe kontrollimit mjekësor do të zhvillohet për ata që aplikuan gjatë periudhës nga 06.07.2023 deri më 26.07.2023.

Policia e Kosovës bën thirrje për ta respektuar orarin dhe vendin e caktuar për testet.

Kandidatët e ftuar për test psikologjik duhet të paraqiten me datën e caktuar në orar nga ora 08:00 në SHSKUK ( Shërbimin Spitalor Klinik Universitar të Kosovës, në objektin e Mjekësisë Sportive ( hyrja te Spitali Amerikan ), ndërsa për kandidatët që e kalojnë me sukses fazën e testit psikologjik, ekzaminimi mjekësor është në po të njëjtin vend, pasi që paraprakisht të kenë dhënë analizat laboratorike në Klinikën e Biokimisë (objekti i Qendrës Emergjente)”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm