Rruga “Ismet Krasniqi” në lagjen “Kodra e Trimave”, në Prishtinë ku ndodhi ngjarja tragjike, vazhdon të jetë e bllokuar nga forcat e mëdha të Policisë së Kosovës, që po vazhdojnë të kryejnë hetimet e nevojshme mbi rastin që la të vdekur një person.

Trupi i pajetë i të vrarit pas hetimeve të kryera është larguar nga vendi i ngjarjes për t’u dërguar në obduksion, shkruan rtk.

Ndryshe, vrasja ndodhi rreth orës 19:20.

Për motive ende të panjohura dyshohets e një grua ka vrarë me armë zjarri kunatin e saj.

Sipas policisë, e dyshuara N.M është vetëdorëzuar në polici.

Rastin për Arbresh.info e ka konfirmuar zëdhënsja e Policisë në Prishtinë, Flora Ahmeti.

“Sot rreth orës 19:20 kemi pranuar informatën për një vrasje, që ka ndodhë në rrugën “Ismet Krasniqi” në Prishtinë. Menjëherë policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, tha Ahemti.

Ahmeti shtoi se aktualisht hetuesit policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast.

Trupi i pajetë pritet të tërhiqet për t’u dërguar në obduksion./Arbresh.info/

LEXO EDHE:

Vrasja në Prishtinë, dalin pamje nga vendi i ngjarjes