Google ADS

Policia parandalon një rast të kontrabandimit me mallra ushqimore në Leposaviq

09:12 | 17 Janar 2024
E.H

Policia e Kosovës ka hasur në një automjet të ndaluar në fshatin Joshanicë të Leposaviqit, e që dyshohet se ka kaluar ilegalisht kufirin Serbi-Kosovë.

Sipas Policisë, gjatë kontrollit në automjet ka pasur të ngarkuara mallra të ndryshme ushqimore të kontrabanduara, shkruan Arbresh.info.

Automjeti me mallra është dërguar në doganë, ndërsa i dyshuari me vendim të prokurorit është liruar.

“Fsh. Joshanicë, Leposaviq 16.01.2024 – 21:30. Policia gjatë patrullimit kanë vërejtur të ndaluar një automjet me drejtues të dyshuarin mashkull kosovar i cili dyshohet se ka kaluar ilegalisht kufirin Serbi –Kosovë. Gjatë kontrollit në automjet kishte pasur të ngarkuara mallra të ndryshme ushqimore. Automjeti me mallra është dërguar në doganë, ndërsa i dyshuari është intervistuar dhe me vendim të prokurorit është liruar”, thuhet në raportin 24 orësh të Policisë së Kosovës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm