Google ADS

Policia në rajonin e Mitrovicës së jugut po zhvillon fushatë vetëdijesimi me moton ‘Stop drogës’

14:50 | 17 Janar 2024
K.B

Ne kuadër të Drejtorisë Rajonale të Policisë në Mitrovicën e Jugut, ka filluar zbatimi i planit operativ ,,Siguria & Stop drogave në shkolla”.

Policia përmes një njoftimi për media, bën të ditur se  në saje të këtij plani synohet vetëdijesimi/sensibilizimi i qytetarëve dhe nxënësve për pasojat e përdorimit të substancave narkotike.

Në njoftim thuhet gjithashtu se policia përmes aktiviteteve shtesë (fushatës) javore synojnë që të rrisin ndërgjegjësimin dhe vetëdijesimin e qytetarëve dhe nxënësve për rreziqet dhe pasojat qe shkaktojnë substancat narkotike.

“Me qëllim të informimit dhe vetëdijesimit, nën moton “Stop drogës” në gjithë rajonin e Mitrovicës se Jugut, qytetarëve dhe nxënësve po u shpërndahen broshura me mesazhe informuese e vetëdijesimi për pasojat që shkakton droga si ne aspektin shëndetësor gjithashtu edhe pasojat dhe masat e parapara me ligj”, thuhet në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm