Gjatë ditës së djeshme në Pejë, Policia e Kosovës në kontrollet rutinore kanë arritur të konfiskojnë një sasi të mallit të dyshuar.

Me anë të një njoftimi për media, nga Drejtoria Rajonale e Policisë në Pejë, bëhet e ditur se me datë 23.04. 2020. rreth orës 03:10 minuta në fshatin Sigë policia kanë ndaluar automjetin Tauran me targa 656-KS-167. ( e marrë Rentë në Pejë) të cilën e drejtonte i dyshuari F. L.lindur më 1987 në Pejë, si dhe i dyshuari pasagjer, shkruan arbresh.info.

Ndërsa, gjatë kontrollit në automjetin e të dyshuarve janë gjetur një sasi malli, si televizor, zmadhues, radiokasetofon si dhe gjësende tjera.

Kjo është komunikata për media:

Policia arreston 2 (dy) persona të dyshuar për veprat “Mbajtje në Pronësi, në Kontroll Posedim ose Shfrytëzim të pa Autorizuar të Armës, Vjedhje e rendë dhe Mosveprim sipas dispozitave shëndetësore gjatë epidemisë.

Pejë, 24. Prill 2020.

Policia e Kosovës, – Hetimet Rajonale Pejë,  me datë 23.04. 2020. rreth orës 03:10 minuta  në fshatin Sigë kanë ndaluar automjetin Tauran  me targa 656-KS-167. ( e marrë Rentë në Pejë) të  cilën e drejtonte i dyshuari F. L.lindur më 1987 në Pejë, si dhe i dyshuari pasagjer.

Gjatë kontrollit në automjetin e të dyshuarve janë gjetur një sasi malli, si televizor, zmadhues, radiokasetofon si dhe gjësende tjera.

Gjatë bastisjes tek i dyshuari F.L. është gjetur një pistoletë ajrore, model dhe prodhim i pa njohur, një brisk, dy kuti me diabolla për pistoletën ajrore, kurse tek  i dyshuari i dytë me iniciale L. N.  lindur me 1993 në Pejë,  është gjetur një pistoletë për ndezje te fishekëve ndriçues, model i pa njohur.

Të dyshuarit janë shoqëruar në Stacionin Policor në Pejë, për tu zhvilluar procedurat ligjore.  Gjësendet janë konfiskuar, lidhur më këtë është njoftuar Prokurori i Shtetit, i cili ka urdhëruar që ndaj të dyshuarve të zbatohet masa e ndalimit policor prej 48 orë./arbresh.info