Zëdhënësi i Policisë për rajonin e Prishtinës, Agron Borovci ka konfirmuar se Policia tashmë e ka kirjuar një pistë të hetimeve për vrasjen e 16 vjeçarit dje në Prishtinë.
Në një prononcim për lajmi.net, ai ka thënë se janë në kërkim të një personi, por që ende nuk ka ndonjë urdhër-arrest.
“Ne e kemi krijuar një pistë te hetimeve, dhe një person po kërkohet nga Policia. Nuk kemi lëshuar urdhër-arrest, pasi disa kanë shkruar kështu”, ka thënë Borovci.
Tutje zëdhënësi i Policisë ka thënë se personi që po kërkohet mund të ndikojë në zbardhjen e rastit.
“Jemi duke i zgjeruar. Kemi një person në kërkim, i cili në një ose në formë tjetër kontribuon zbardhjes së rrethanave të këtij rasti. Për shkak të ndjeshmërisë dhe fazës fillestare të hetimeve nuk mund të japim informacione shtesë”, deklaroi Borovci.
Aulon Zeka u gjend i vrarë dje rreth orës 11:00 në rrugën “Gjon Sereqi”.
Ai do të varroset sot në ora 17:00 në varrezat e qytetit të Prishtinës.
16 vjeçari ka qenë banor i lagjes “Kodra e Trimave” afër shkollës Zenel Hajdini.
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban