Policia ndalon një traktor me dru, tentoi të kalonte ilegalisht kufirin

10:31 | 29 Gusht 2023
E.K

Njësiti i policisë në një pikë kontrolli ka ndaluar një traktor i cili dyshohet se ka kaluar kufirin Serbi-Kosovë në mënyrë ilegale.

Traktori ishte i ngarkuar me dru dhe personi në fjalë nuk posedonte dokumentacionin përkatës, transmeton Arbresh.info

Rasti i është dorëzuar Doganës së Kosovës pas urdhrit të dhënë nga prokurori i rastit.

“Fsh. Repë, Podujevë 28.08.2023, 20:45. Njësitë policore gjatë një pike kontrolli kanë ndalur një traktor me vozitës mashkull kosovar i cili kishte të ngarkuar disa metra dru për djegie pa dokumentacion përkatës i cili dyshohet se ka kaluar kufirin ilegalisht nga Serbia në- R. Kosovës. Me vendim të prokurorit pas intervistimit rasti procedohet në procedurë të rregullt, ndërsa drutë janë konfiskuar dhe janë dërguar në Doganën e Kosovës”, thuhet në njoftimin e policisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm