Gjatë ditës së sotme, Policia e Kosovës ka arrestuar Adhurim Lepajë, që para disa muajsh plagosi Met Elshanin, menaxherin i label-it ‘On Records’.

Përpos tij, PK-ja ka arrestuar edhe Dardan Krasniqin, i cili qe një kohë ishte në arrati, shkruan arbresh.info.

Zëdhënësja e Policisë së Kosovës, për rajonin e Prishtinës, Flora Ahmeti, ka konfirmuar për arbresh.info, se në rrugën “Fehmi Agani” në Prishtinë janë arrestuar dy perosna te dyshuar.

Ahmeti ka deklaruar se Lepaja dhe Krasniqi qenë në kërkim policor për një rast “tentim vrasje”, ndërsa hetuesi janë duke ndërmarrë të gjitha masat komform autorizimeve ligjore, ndërkohë që personat e dyshuar janë duke u intervistuar.

“Rreth orës 16:30 nga njësiti i reagimit të shpejt në rrugën “Fehmi Agani” në Prishtinë janë arrestuar dy perosna te dyshuar (me inicialet A.L dhe D.K ), të cilët kanë qenë në kërkim policor për një rast “tentim vrasje”. Aktualisht hetuesi janë duke ndërmarrë të gjitha masat konform autorizimeve ligjore, ndërkohë që personat e dyshuar janë duke u intervistuar”, ka thënë Zëdhënësja e Policisë së Kosovës, për rajonin e Prishtinës, Flora Ahmeti./Arbresh.info