Policia jep detaje rreth rrahjes në Ulpianë, një i arrestuar dhe një tjetër është dërguar për trajtim mjekësor

19:44 | 9 Dhjetor 2020
L G

Policia e Kosovës ka bërë të ditur se një person është arrestuar dhe një tjetër është dërguar për tretman mjekësor, pas përfshirjes në një rrahje që ka ndodhur sonte në lagjen Ulpiana në Prishtinë.

Zëdhënësi i Policisë së Kosovës, Daut Hoxha i ka thënë arbresh.info se rrahja ka ndodhur rreth orës 18:30 në rrugën Dëshmorët e Kombit” në Prishtinë.

Sipas tij, si pasoj e përfshirjes në këtë rrahje, një person është dërguar për tretman mjekësor, ndërsa një tjetër ka përfunduar në pranga të policisë.

“Rreth orës 18;30 është raportuar një rrahje në progres, në rrugën “Dëshmorët e Kombit” në Prishtinë. Njësitet policore kanë reaguar menjëherë dhe një person i dyshuar është arrestuar. Një person është dërguar për trajtim mjekësor. Policia është duke u marr me rastin dhe hetime lidhur me motivet e incidentit janë ne proces”, ka thënë Hoxha për arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm