Google ADS

Policia jep detaje për vdekjen e 23-vjeçarit pejan në vendin e punës

11:03 | 27 Gusht 2018
Arbresh.info

23-vjeçari nga Peja, Milor Belegu, ka humbur jetën të dielën, si pasojë e lëndimeve të pësuara para rreth një jave teksa po punonte në ndërtimtari.
Rastin e ka konfirmuar zëdhënësi i Policisë së Kosovës në Rajonin e Pejës, Xhevat Ibraj. Ai ka thënë se 23-vjeçari ishte i shtrirë në spital që prej datës 19 gusht.

“Ka vdekur sepse nuk ka mundur t’u përballojë lëndimeve. Prej datës 19 është në spital, e kanë dërguar me urgjencë në QKUK. Atje ekziston historia e tij dhe mjekët duhet të raportojnë për këtë rast. Policia çfarë ka bërë për këtë rast, është se, ky rast është hetim i vdekjes”, ka thënë Ibraj.

Ai ka insistuar që detaje të reja mund të japin zyrtarët e Qendrës Klinike Universitare të Kosovës.

Belegu po punonte me babanë e tij në ndërtimtari kur kishte pësuar lëndime të rënda që ia morën jetën rreth një javë më vonë.

 

Shpërndaje në rrjete sociale

Lajmet më të lexuara

Të ngjashme

Foto lajm