Policia jep detaje për grabitjen e armatosur në Mitrovicë, të dyshuarit iu gjetën mbi 15 mijë euro

11:45 | 27 Nëntor 2021
L G

Policia e Kosovës ka arrestuar një person i cili i maskuar dhe nën kërcënimin e armës ka hyrë në një zyre për transferim parash dhe ka marrë mbi 15 mijë euro.

Sipas policisë tek i dyshuari janë gjetur dhe sekuestruar kjo shumë e parave, një palë dorëza dhe një armë plastike lodër, shkruan arbresh.info.

Rasti ka ndodhur në Mitrovicë.

“Rr. Shemsi Ahmeti, Mitrovicë 26.11.2021 – 17:42. Është arrestuar i dyshuari mashkull kosovar pasi që i njëjti i maskuar dhe nën kërcënimin e armës , në zyrën për transferim parash nga viktima femër kosovare ka grabitur një shumë parash prej 15.750€. Si dëshmi materiale i janë gjetur dhe sekuestruar shuma e parave, një maskë, një palë dorëza dhe një armë plastike lodër”, njofton policia.

Viktima për shkak shqetësimi ka pranuar trajtim mjekësor ndërsa i dyshuari pas intervistimit me vendim të prokurorit është dërguar në mbajtje. Rasti në procedurë hetimore./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm