Është arrestuar ushtruesi i detyrës Drejtor në Spitalin Rajonal të Ferizajt, Halit Gërbeshi, për keqpërdorim të detyrës zyrtare, duke e furnizuar veturën e tij private me derivate të naftës në kuadër të tenderit të paraparë për Spitalin e Përgjithshëm në Ferizaj. shkruan arbresh.info.
“Rr.Ramadan Rexhepi, Ferizaj 24.11.202 – 10:00. Njësitë policore duke u bazuar në autorizimin e prokurorisë, me 14.01.2022 kanë arrestuar të dyshuarin mashkull kosovar (UD Drejtor i Spitalit Rajonal, Ferizaj) pasi që i njëjti, dyshohet të ketë kryer veprën e më sipërme. Me urdhër të prokurorit i dyshuari dërgohet në mbajtje”, thuhet në raportin e PK-së.
Kujtojmë që edhe Shërbimi Spitalor Klinik Universitar i Kosovës, përmes një njoftimi ka bërë të ditur se ushtruesi i detyrës së drejtorit të Spitalit të Përgjithshëm të Ferizajt, Halit Gërbeshi, është suspenduar nga puna.
“Shërbimi Spitalor Klinik dhe Universitar i Kosovës informon opinionin se pas njoftimit për ndalimin e Dr. Halit Gërbeshit U.D. Drejtor i Spitalit të Përgjithshëm në Ferizaj prej 48 orësh nga Prokuroria Themelore e Ferizajt, i njëjti është larguar përkohësisht nga puna, konform legjislacionit në fuqi. Detyrat dhe përgjegjësitë e drejtorit të Spitalit në Ferizaj do t’i kryejë drejtori mjekësor i spitalit”, ka njoftuar SHSKUK-ja./arbresh.info/
Suspendohet nga detyra u.d. i drejtorit të Spitalit të Ferizajt
Buzhala tregon për çka është folur në përgjimet e pa publiku...
Rezi ia thotë në sy Gresës: Të vjen era e keqe dhe liron gaz...
Shkaktarët e anemisë – gjakderdhja dhe ushqimi i varfër
Këndimi e redukton stresin, i pastron sinuset dhe ju ndihmon...
Hasani në OKB: Shqipëria, hapa të rëndësishëm në fushën e ba...
Trump thotë se nëse vjen në pushtet do ta shkarkonte Jack Sm...