Policia jep detaje për aksidentet në magjistralen Pejë – Prishtinë

18:00 | 10 Tetor 2021
KRG

Sot në magjistralen  Pejë – Prishtinë më saktësisht në Komoran kanë ndodhur gjashtë aksidente.

Në dy aksidente janë përfshirë tri vetura  ndërsa në katër aksidente të tjera janë të përfshira nga dy vetura.

Gjatë këtyre aksidenteve kanë pësuar lëndime trupore gjashtë persona të cilët kanë pranuar edhe tretmant mjekësor.

Lajmin e ka bërë të ditur për arbresh.info, zëdhënësi i Policisë, Bajram Krasniqi.

“Në rrugën nacionale Prishtinë-Pejë, në një distancë prej 1km në një interval kohorë prej 50 min, kanë ndodhur gjashtë aksidente trafiku.Në dy aksidente janë përfshirë nga tri vetura, kurse në katër aksidente tjera janë të përfshira nga dy vetura.” Ka thënë Krasniqi

Ndërsa ka bërë të ditur se njësitet policore kanë ndalur në vendin e ngjarjes.

“Nga këto aksidente, gjashtë persona kanë pësuar lëndime dhe kanë pranuar tretman mjekësor. Njësitet policore të trafikut kanë bërë shikimin e vend-ngjarjes.” Ka shtuar Krasniqi. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm