Policia jep detaje nga aksioni në Bujan të Lipjanit ku u arrestuan tre persona

09:41 | 25 Korrik 2024
E.K

Prokuroria Themelore në Prishtinë dhe Policia e Kosovës me urdhëresë të lëshuar nga gjykata dje kanë zhvilluar një aksion në katër lokacione në fshatin Bujan të Lipjanit.

Gjatë këtij aksioni janë arrestuar tre persona si dhe janë sekuestruar një armë AK-47 me dhjetë fishekë 7.62 mm, dy pushka gjysmë automatike, dy pistoleta me gaz dhe një pushkë e gjatë gjuetie me 12 fishekë.

Tutje, bëhet e ditur se të arrestuarit pas intervistimit janë dërguar në mbajtje.

“Fsh. Bujan, Lipjan 24.07.2024, 06:45. Në bazë të urdhëresës së lëshuar nga gjykata, në katër lokacione është realizuar urdhër kontrolli, ku janë gjetur dhe sekuestruar një armë AK-47 me dhjetë fishekë 7.62 mm, dy pushka gjysmë automatike, dy pistoleta me gaz dhe një pushkë e gjatë gjuetie me 12 fishekë. Lidhur me rastin janë arrestuar tre të dyshuar meshkuj kosovarë dhe të njëjtit pas intervistimit me vendim të prokurorit janë dërguar në mbajtje”, thuhet në raport./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm