Policia gjen thasë të tjerë me rërë në një shtëpi në Zveçan, intervistohet pronari

16:52 | 31 Janar 2024
E.G

Policia e Kosovës ka ndërhyrë tek një shtëpi private ku ka gjetur thasë të tjerë me rërë në Zveçan.

Lajmin për Arbresh.info e ka konfirmuar zëvendësdrejtori i Policisë për veriun, Veton Elshani, i cili ka thënë se ato besohet të kenë qenë aty që nga koha e barrikadave të vitit 2022.

Më tej ai ka bërë të ditur se hyrjen në shtëpi e kanë bërë në prezencë të pronarit, i cili momentalisht edhe po intervistohet nga policia.

“Sot rreth orës 14.00 policia në vazhden e hetimeve te rastit të djeshëm ka ndërhyr edhe tek një shtëpi private ku ka has në thas të tjerë me rërë e që besohet të kishin qenë aty që nga koha e barrikadave në vitin 2022”, tha Elshani.

“Hyrjen në atë shtëpi e kemi bërë në prezence të pronarit të shtëpis i cili njëherësh është edhe pronar i shtëpisë ku dje i kemi konfiskuar disa pajisje të lojërave të fatit. Pronari momentalisht është duke u intervistuar”, tha ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm