Google ADS

Policia gjen disa armë në një shtëpi në Zubin Potok, arrestohet një person

21:10 | 13 Nëntor 2023
E.H

Njësitet policore kufitare të Policisë së Kosovës, që po patrullonin në komunën e Zubin Potokut, në afërsi të një shtëpie kanë ndaluar një person i cili paraqiste lëvizje të dyshuara.

Në njoftim thuhet se me urdhër të prokurorit kujdestar është bastitisur shtëpia e të dyshuarit D.R 49-vjeçar, ku janë gjetur dhe sekuestruar:

• Një  pushkë M-70 me 5 fishek te llojit 30 06 PPU,
• Një pushkë gjuetie e llojit Cifsan me 23 fishekë,
• Dy  kartela të shoqatës së gjuetarëve,
• Një radiolidhje e dorës me adapter e llojit Boafeng,
• Një brisk dhe,
• Një uniformë.

Lidhur me rastin është kontaktuar prokurori kujdestar dhe me udhëzim të tij rasti inicohet në procedurë të rregullt hetimore.

“Policia e Kosovës do të vazhdoj të mbetet e përkushtuar në luftimin, hetimin dhe identifikimin e kryerësve të veprave penale dhe dukurive të tjera negative, me qëllim të ofrimit të sigurisë për të gjithë qytetarët e vendit pa dallim”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm