Me qëllim të parandalimit të aksidenteve të mundshme në trafik Policia e Kosovës apelon tek të gjithë qytetarët e vendit, që të respektojnë dispozitat ligjore që dalin nga ligji për rregullat e trafikut rrugor, të respektojnë shenjat e trafikut, kufizimet e shpejtësisë, t’u përshtaten kushteve të rrugës, si dhe të mos e përdorin telefonin gjatë vozitjes. Ky apel i Policisë vije duke iu referuar gjendjes së përgjithshme në trafikun rrugor ku gjatë 24 orëve të fundit kanë ndodhur 2 aksidente të rënda të cilat kanë rezultuar me pasoja fatale, ku tre persona kanë humbur jetën.
“Të gjithë drejtuesve të automjeteve u bëjmë thirrje që të jenë të kujdesshëm gjatë qarkullimit në rrugë, posaçërisht tani kur kanë filluar ndryshime atmosferike, reshje dhe shfaqje të mjegullave, gjatë natës dhe në orët e hershme të mëngjesit kur mund të paraqiten edhe ngrica të cilat vështirësojnë qarkullimin”, thuhet ne apelin e Policisë.
Policia e Kosovës me njësitet e saj vazhdon të monitorojë dhe menaxhojë situatën në trafikun rrugor nëpër të gjitha rrugët e vendit dhe aty ku pjesëmarrësit bien ndesh me rregullat në trafik, masa ndëshkuese ligjore do të aplikohen me qëllim të parandalimit të rasteve të aksidenteve, në veçanti aksidenteve me fatalitet.
Protesta e PD-së, ambasada e SHBA-së: Personeli këshillohet ...
Më 8 dhe 9 tetor do të organizohet festivali i filmit sporti...
Nobeli në Mjekësi u ndahet dy shkencëtarëve të mikroRNA-së
Pogba drejt rikthimit në fushë
Osmani takon homologun kroat: Mirënjohëse për mbështetjen e ...
Milaim Zeka, opinionisti i parë i Big Brother VIP Kosova 3