Misioni i Bashkimit Evropian në Kosovë për Sundim të Ligjit (EULEX), ka pranuar një kërkesë nga Policia e Kosovës për të ofruar ndihmën në rastin e Faton Hajrizit.
Kështu kanë bërë të ditur nga Zyra për media e EULEX-it në një përgjigje për Arbresh.info.
“Çdo shkëmbim i mundshëm i informacionit policor i lehtësuar përmes EULEX-it mbulohet nga parimi i konfidencialitetit”, thuhet në përgjigjen.
Po ashtu, EULEX-i ka shprehur mbështetjen ndaj Policisë së Kosovës në fushën e bashkëpunimit policor ndërkombëtar.
“Në përputhje me mandatin aktual të EULEX-it, Misioni mbështet Policinë e Kosovës në fushën e bashkëpunimit policor ndërkombëtar duke lehtësuar shkëmbimin e informacionit ndërmjet Policisë së Kosovës dhe INTERPOL-it, EUROPOL-it apo Ministrisë së Brendshme të Serbisë”, thuhet tutje në përgjigje.
Kujtojmë se Faton Hajrizi pasi u arratis nga Burgu i Smrekonicës u raportua se ka vrarë një polic serb dhe një tjetër e ka plagosur në Loznicë.
Të premten, siç raportojnë mediat atje, policia serbe kanë vrarë dorasin e policit të vrarë e që sipas tyre është kosovari, Faton Hajrizi.
Ndërsa, Ministria e Punëve të Jashtme e Kosovës të hënën ka bërë të ditur se nga autoritetet serbe kanë pranuar shenjat e gishtërinjve të personit të dyshuar se ka vrarë policin serb, dhe të njëjtat janë përputhur me shenjat e gishtërinjve të Faton Hajrizit./Arbresh.info
Lexo edhe:
MPJD: Konfirmohet se personi i vrarë në Serbi është Faton Hajrizi
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...