Policia e Kosovës ka dhënë detaje rreth aksidentit që u shkaktua sot në Gjilan si pasojë e erërave të forta, ku një vinç ra mbi një veturë.

Zëdhënësi i Policisë së Kosovës për rajonin e Gjilanit Ismet Hashani tha për arbresh.info se  në veturë ishin tre persona në momentin e rënies së vinçit.

Sipas tij  rreth orës 19:15 në qytetin e Gjilanit ka pasur Erëra të forta dhe shi, ku nga erërat e forta kanë pësuar lëndime në njerëz dhe dëme materiale të konsiderueshme.

“Në rrugën “Lufta e Gjilanit 44”, ka rënë një krane (Vinç) mbi një veturë . Vetura e cila ka qenë në lëvizje e tipit Mercedes, Pikap, me tabela vendore, në veturë kanë qenë tre persona, Shqiptarë/Kosovarë, ku sipas mjekut gjendja e tyre është stabile, në qendër të qytetit kemi edhe një person të lënduar, Shqiptarë/Kosovarë, gjendja është stabile, të gjithë të lënduarit janë duke u trajtuar në Emergjencë-Gjilan”, tha Hashani.

Hashani pohon se në teren janë angazhuar të gjitha njësitet emergjente, policia, zjarrfikëset, ndihma e shpejt dhe njësitet e KEDS-it, për moment gjendja është stabile, vërshime deri në këto momente nuk kemi të raportuar dhe të gjitha rrugët janë të qarkullueshme./arbresh.info/

LEXO EDHE

Era e fortë rrëzon vinçin mbi një veturë në Gjilan – Arbresh.info