Njësitet e Policisë së Kosovës dhe ushtarët e KFOR-it amerikanë janë sulmuar mëngjesin e sotëm nga një person.
Siç bën të ditur policia, zyrtarët e saj dhe KFOR-it janë bllokuar me automjet në një fshat në Leposaviq nga një i dyshuar, i cili pastaj i ka sulmuar ata me shishe xhami, raporton Arbresh.info.
“Më datë 06.05.2024 rreth orës 04:05 në rrugën e fshatit Miokovicë gjatë patrullimit të përbashkët të Njësisë për Ndërhyrje të Shpejtë (NJNSH) të Policisë së Kosovës, së bashku me KFOR-in amerikan, një veturë pa targa e tipit Seat ngjyre hiri ka bllokuar rrugën dhe më pastaj ka hedhur shishe xhami në drejtim të veturave zyrtare. I dyshuari pastaj ka ikur në drejtim të disa shtëpive afër në fshatë” , thuhet në njoftimin e policisë.
Policia e Kosovës bashkë me KFOR-in kanë identifikuare shtëpinë dhe kanë kryer kontroll ku është arrestuar i dyshuari mashkull kosovar, i cili ka pranuar se ka bllokuar rrugën dhe ka hedhur shishen.
“Gjatë realizimit të kontrollit në shtëpinë e të dyshuarit është gjet një xhaketë e ushtrisë me emblemë serbe.
Vetura me të cilën është bllokuar rruga është sekuestruar, i dyshuari pas intervistimit nga njësia kompetente e hetimeve është liruar në procedurë të rregullt, përderisa hetimet lidhur me rastin janë duke vazhduar”, bën të ditur policia./Arbresh.info/
Navalny shkroi se e dinte që do të vdiste në burg
Balluku: Mbi 8.2 milionë pasagjerë nga Rinasi në 9 muaj, në ...
Scholz i premton Ukrainës ndihma të reja ushtarake
Osmani kërkon takim me Jasharin dhe Maqedoncin për çështjen ...
Sot pritet të rivarrosen tre viktimat e luftës në Drenas, pj...
Rritja e pensioneve për 20 për qind, Kurti: Fillon nga ky mu...