Policia arreston dy persona për kanosje dhe posedim të paautorizuar të armëve në Nakell të Pejës

10:56 | 31 Korrik 2024
E.K

Drejtoria Rajonale e Policisё nё Pejё ka bërë të ditur se të martën një person në fshatin Nakell është kanosur.

Me anë të një njoftim për media, thuhet se njësitet e Stacionit Policor në Pejë janë dërguar menjëherë në vendin e ngjarjes. Gjatë intervistës me ankuesin, ai ka deklaruar se, ndërsa ishte në një mosmarrëveshje me një nga të dyshuarit, ka ardhur edhe një i dyshuar tjetër, i cili e ka kanosur me armë dhe ka ikur nga vendi i ngjarjes.

Me urdhër të Prokurorit të shtetit, njësiti i hetimeve ka realizuar një kontroll në shtëpitë e të dyshuarve, ku është gjetur dhe sekuestruar një pushkë ajrore Flloberg cal: 4.5mm.

Të dyshuarit janë arrestuar dhe intervistuar nga hetuesit. Njëri nga ata është dërguar në mbajtje për 48 orë me vendim të Prokurorit, ndërsa i dyshuari tjetër është liruar dhe do të ndiqet në procedurë të rregullt./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm