Po zhvillohej bixhoz në Ferizaj, policia ndërhyn dhe arreston menaxherin

09:32 | 22 Prill 2021
M. A.

Policia e Kosovës gjatë ditës së djeshme ka ndërhyrë në një lokacion në Ferizaj ku po zhvillohej veprimtari e kundërligjshme e organizimit të lojërave të bixhozit.

Me të marrë informacionin, njësitë relevante policore kanë dalë në vendin e ngjarjes ku edhe kanë sekuestruar 620 çipa apo (zhitona) të vlerave të ndryshme të cilët përdoren për lojëra të bixhozit dhe katër palë letra bixhozi.

I dyshuari, menaxher i lokalit është shoqëruar në stacionin policor.

Në lidhje me rastin është konsultuar prokurori i shtetit i cili rekomandon që pas intervistimit i dyshuari të lirohet në procedurë të rregullt./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm